Shrungarada Hongemara

ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ

ನಾಚಿಕೆ ನಮ್ಮ ಜೊತೆ ಟೂ ಬಿಟ್ಟಿದೆ

ಕಳ್ಳಾಟಕೆ ಮಳ್ಳ ಮನ ಛೀ ಅಂದಿದೆ

ಚೆಲ್ಲಾಟಕೆ ಚೆಲುವು ಹ್ಞೂ ಎಂದಿದೆ

ಇಬ್ಬರ ಕಾಮನೆ ನೂರು

ತುಟಿ ಗಾಯಕೆ ಕಾರಣ ಯಾರು

ಇದು ಗೊತ್ತಿಲ್ಲದ ರೋಮಾಂಚನ ಹೋಗಿ ಬಂತು ಪ್ರಾಣ

ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ

ನಾಚಿಕೆ ನಮ್ಮ ಜೊತೆ ಟೂ ಬಿಟ್ಟಿದೆ

ಬೆನ್ನಿಗೆ ಬೆರಳು ಸೋಕಿ

ಕಣ್ಣೆರಡು ಕೇಳಿವೆ ಬಾಕಿ

ಇದು ತುಂಟ ಮೌನಾಚರಣೆಯು

ಸ್ಪರ್ಶವೂ ಕೇಳಿದೆ ಕೊಂಚ

ಉಷ್ಣಾಂಶದ ಬೆಚ್ಚನೆ ಲಂಚ

ಶುರು ಜಂಟಿ ಕಾರ್ಯಾಚರಣೆಯು

ಗೊತ್ತಿದ್ದೂ ದಾರಿ ತಪ್ಪಿದಾಗ ಬೆವರಿನ ಹನಿಯೂ

ಹುಚ್ಚೆದ್ದು ಹಾಡು ಹೇಳಬಹುದೇ ಒಳಗಿನ ದನಿಯು

ಇದು ಆವೇಗದ ಆಲಿಂಗನ ಹೋಗಿ ಬಂತು ಪ್ರಾಣ

ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ

ನಾಚಿಕೆ ನಮ್ಮ ಜೊತೆ ಟೂ ಬಿಟ್ಟಿದೆ

ನಲ್ಮೆಯಲ್ಲೆಲ್ಲವೂ ಚಂದ

ಮನ್ಮಥನ ಹಾವಳಿಯಿಂದ

ಬಚಾವಾದರೇನು ಸುಖವಿದೆ

ಬಿಚ್ಚಿದ ಕೂದಲ ಘನತೆ

ಅರೆ ಮುಚ್ಚಿದ ಕಂಗಳ ಕವಿತೆ

ಪ್ರಣಯಕೊಂದು ಬೇರೆ ಮುಖವಿದೆ

ಕಡು ಮೋಹದಲ್ಲಿ ಗಡಿಯ ರೇಖೆಗೆಲ್ಲಿದೆ ಬೆಲೆಯು

ತಿಳಿಗೇಡಿಯಾಗದೇನೆ ಸಿಗದು ತೋಳಿಗೆ ನೆಲೆಯು

ರತಿ ರಂಗೇರಲು ಪ್ರತಿ ಕ್ಷಣ ಹೋಗಿ ಬಂತು ಪ್ರಾಣ

ಶೃಂಗಾರದ ಹೊಂಗೆ ಮರ ಹೂ ಬಿಟ್ಟಿದೆ

ನಾಚಿಕೆ ನಮ್ಮ ಜೊತೆ ಟೂ ಬಿಟ್ಟಿದೆ

(ಟೂ)

ಕಳ್ಳಾಟಕೆ ಮಳ್ಳ ಮನ ಛೀ ಅಂದಿದೆ

(ಛೀ)

ಚೆಲ್ಲಾಟಕೆ ಚೆಲುವು ಹ್ಞೂ ಎಂದಿದೆ

ಇಬ್ಬರ ಕಾಮನೆ ನೂರು

ತುಟಿ ಗಾಯಕೆ ಕಾರಣ ಯಾರು

ಇದು ಗೊತ್ತಿಲ್ಲದ ರೋಮಾಂಚನ ಹೋಗಿ ಬಂತು ಪ್ರಾಣ