Cinta Campur Dusta - Malem Kerina Br Tarigan

balik balikken bagi rupa buluh si Salagundi
 lain rupana datas lain kepe arah teruh
 lain ranan terbelas lain kepe bas ukurndu
 bas ate ngena lit denga banndu dustana
 bas ate jadi lit denga banndu curangna

gia ukurku lalap nge man bandu tapi ibas ukurndu
 meremang remang bagi ngarapken benih macik matana
 sirang nge kuakap madin adi sakit hati lalap ras kena
 bas ate ngena labo arus ate ceda
 bas ate jadi labo arus ate mesui

putus kita putus  pangen kita putus
 adi labo atendu tutus
 sirang kita sirang pangen kita sirang
 adi labo kena mesayang 

andingken sibuah nangka
 pangen nge la padah mansa adi rulah bas dagingta
 bagem me bas ate ngena pangen la padah ersada
 adi erban pusuhta luka

labo banci kita bahagia
 adi la cinta sama cinta
 teren nge ateta ceda
 adi lit dusta antara kita
 labo banci kita bahagia
 adi la cinta sama cinta
 teren nge ateta ceda
 adina cinta banndu campur dusta