දුහුල් මලෙක මල් පෙත්තක
එහා මෙහා පෙනෙන පරිදි
සියුම් ව ලියුවා වූ මගෙ පෙම් පණිවිඩය
සමනලයෙක් අතේ එව්වා හම්බවුණා ද
බාරගන්න පරිස්සමින් තටු පොඩි නොකර
මගෙ පෙම් පණිවිඩය
හම්බවුණාදැයි කියලා ලියලා එවන්න
ඔබ වෙනුවෙන් තව දුරටත් ජීවත්වෙන්න
ඔබට කැමති වූ දවසේ
දැනුණු හැඟුමේ පාට තමයි
දේදුන්නක් වෙලා දෑස් වෙත පාත්වුණේ
ඒ සතුටේ සුසුම තමයි නල මුදු සුවඳක් වී
හිත තෙතමාත්තු කළේ
ඒ බව හැඟෙනවා නම් මට කියලා එවන්න
ඒ ඇති මට ඔබ වෙනුවෙන් ජීවත්වෙන්න
ඔබ නික්මන් කළ දවසේ
උනපු කඳුළේ තරම තමයි
පොද වැස්සක් වෙලා පොළවට පාත්වුණේ
ඒ කඳුළේ බලය තමයි මහවැලි ගඟ මැද්දේ
දියසුළියක් වූයේ
ඒ බව දැනුණා නම් මට කියලා එවන්න
ඒ ටික ඇති තව දුරටත් ජීවත්වෙන්න
දුහුල් මලෙක මල් පෙත්තක
එහා මෙහා පෙනෙන පරිදි
සියුම් ව ලියුවා වූ මගෙ පෙම් පණිවිඩය
සමනලයෙක් අතේ එව්වා හම්බවුණා ද
බාරගන්න පරිස්සමින් තටු පොඩි නොකර
මගෙ පෙම් පණිවිඩය
හම්බවුණාදැයි කියලා ලියලා එවන්න
ඔබ වෙනුවෙන් තව දුරටත් ජීවත්වෙන්න