نعيشو معاكم في غابة بلاد لا يحكمها قانون
بلاد ليوم تحكمها سراق قالولنا تحرق وإلا تموت و إلا تشد السجون
هوني راك تولي مجنون
Jamais تعيش كيما أندادك
الناس الكل ترمي اللوم الناس الكل تقلك علاش تهجر في بلادك
Système عمرو ما فادك
العبد يقعد هوني يتضر
أقعد أركع لأسيادك خلي أنا نقطع البحر
خلي نمشي و نشوف نعيش حياة جديدة يمكن يعطيوني حقوق
الحياة هوني صعيبة كل يوم مُصيبة آخرتها في صندوق
شبيبة نظيفة طاحت لطريفة المخ راهو مخنوق
البلاد و système الدولة و الظروف عالحرام يلزوك
خلي نهجو نجيبو ال euro
فدينا من صحابنا إلّي يدورو
تونس كي الماضي إلي دفنتو في قبرو و صعيب كان نزورو
الكلهم يغورو ، لا عهد لا ميثاق
تحلم و تبني و تكسر في راسك في بلاد ما فيهاشي آفاق
هوني عكست و تسكرت الأبواب قدامنا
(Yeah yee yee yee)
بلاد كي القبر في ترابها دفنت أحلامنا
(Yeah yee yee yee)
تونس حكاية و وفات العبد هاو عايش مدفون بالحياة
يحبوك إطّبس و ذليل ديما عايش أحلامنا ذبلت كيما الشمعة إلي طفات
توجع كي نعيشو في بلاد تعطي و تمد خيرها لغيري
عالموجة تستناك الموت هوني كي نقعد يا ويلي
J'ai perdu ma vie
توا ما يفيد ندم دولة تشوفك هوني عندك لا قيمة
الوجيعة ديما في بلاد الهم تحس وجيعتك كان الميمة
عمري ما خترت ثنيتي أما الوضع يلزك باش تعد الحدود
المستقبل مسكر الدنيا كحالت قدامي وليت نشوف كان في الموت
نحب نوصّل صوتي أما خسارة هوني صوتي ماهوشي مسموع
شديت ثنيتي ما فماش رجوع مالقهر بكينا لين شاحت الدموع
تعبنا من كذبهم و كلامهم يحبوك إطّبس و تركع قدامهم
ظلامت الدنيا قدامي صاحبي
J'ai perdu l'espoir
يا نحرق و نفارع نموت يا نتجرم و نولي كي escobar
سامحني أمي mais j'ai pas le choix
خترت ثنيتي و يمكن je reviens pas
Je galère (galère)
في بلادي ما لقيتش حقي ما فماش égalité
عاشو بعرقنا و إستغلو Notre pauvreté
نحكي على وجيعة الناس عالعباد إلي قاعدة تنداس
نحب نوصل صوتي نكمل حياتي غادي ناقف كان كي نموت
يحبونا عايشين بهواهم ضلمونا و حكمو البلاد
كرتوشة في للقلب دواهم ندفن معاهم الفساد
هوني عكست و تسكرت الأبواب قدامنا
(Yeah yee yee yee)
بلاد كي القبر في ترابها دفنت أحلامنا
(Yeah yee yee yee)
تونس حكاية و وفات العبد هاو عايش مدفون بالحياة
يحبوك إطّبس و ذليل ديما عايش أحلامنا ذبلت كيما الشمعة إلي طفات
توجع كي نعيشو في بلاد تعطي و تمد خيرها لغيري
عالموجة تستناك الموت هوني كي نقعد يا ويلي
J'ai perdu ma vie
توا ما يفيد ندم دولة تشوفك هوني عندك لا قيمة
الوجيعة ديما في بلاد الهم تحس وجيعتك كان الميمة