أول مرة في titre ندخل طول في الموضوع
اليدين ترعش و العينين معبية دموع
أيامك حزينة و احلامك ذابت كيما الشموع
ماعادش رجوع الباب وراك تسكر
طريق صايي تسطّر
ماعادش يفيد الندم قلبك ماعادش يحسّ كي تكثر لوجيعة تتلم
حياتك كلها ردم معبية وجوه تتنكّر
في عروقها يجري غرم و قلوبها الكلها مكر
البدن تعب وطاح نعيشو في بلاد كي المرض
في بلاد الإنبطاح التلحيس ولّى فرض
كي الحاكم كي المحكوم كلها شواطن فوق الأرض
ما فمّاش آفاق في بلاد النّفاق
حدّ ما فاق النخلة و الحمامة عملو إتّفاق
تحلّ فمك تتشدّ لا عهد لا ميثاق
قبل تتباس اليد ليوم أركع بوس الساق
شعب متغرب في بلادو لاصق بالبزاق
أمي ولدك تربّى راسو ديما لفوق عمري انا و الذلّ ما نتقابلو
كان نقعد غادي آخرتي في صندوق خليني نمشي خير ما نولي كيما Pablo
الأيام كي الصفحات و الدنيا كيف الكتاب
خذيت منهم العبرة ليوم نكتبلك جواب
نكتبلك في كلام بالوجيعة مسطّر
تلزّيت نبعد أمي ولدك غدرت بيه لكلاب
لكلام نحسو في عروقي مش في ورقة مكتوب
تمنيت ملي صغير نلبس ونعيش كيما غيري
ساعات لي تتمناه يبقى مدفون فالقلوب
هاذاكا علاش أمي نحشم كي نقلك إشريلي
ساعات الدنيا تولي صعيبة و تلزّك على المرّ
في بلاد الهمج المستقبل مسكر بالبلج
نشوف في اللحاسة طاروا واحنا بقينا بين الحفر
ليوم مابقالي حتى حل ما بقالي كان نهج
ليوم هاني بعيد قاعد نكتب في كلام
نكتب في جواب للوردة لي علمتني الإحساس
نخاف لا عروقها تشيح وتذبل مع الايام من
أول غزرة تي عرفت الي وليت ma princesse
تمنيت نبنيلك قصر و نلبسلك فيه التاج مع بعضنا غادي نعيشو فيه لعمر الكل
كي بديت نعوم باش نوصلك طيشتني لمواج تلزّيت نبعد تربيت ما نحملش الذّل
ليوم نشوف فيك تصاور نسمع صوت الضحكات نمد يدي نحب نشدك نلقاك كالسراب
نخاف لي حلمنا وبنيناه يولي ذكريات في
بلاد تعفسلك احلامك تدفنها تحت التراب
ليوم من بعيد قاعد نكتب في حروف artiste يكتب في جواب لل public
تعبت من carrière كلو غدرة و خوف
الراب يولي صعيب كيف تحكي politique
خلينالهم style, technique, flow و الأفلام
الإعلام خدمهم في بالهم الراب قوة سبّان
اخترنا طريق صعيب وين الراب قوة كلام
هذاك علاش نساونا و سكروا في وجوهنا البيبان
ماهيش فخرة وكلام الراب متاعنا كاسح
أما خسارة ما تنجحش هنا في بلاد سي فلان
هوما طاروا واحنا بقينا لوطا كيما التماسح
succès كيما الجيفا يطيروا فوقوا كي الذبان
الراب متاعك كيما السلاح يتيري بال
viseur هذاك علاش ميعاملوكش en tant que rappeur
يشوفوك danger public يعاملوك كي terrorist
يعاملوك كي المجرم هنا مايشوفوكش artiste
ينحيوك من la liste كي يحطوك في مهرجان
عندك راب يخلي ال public هايج كي البركان
قداش من مرة la police تجي تهبطك من scène
يحبوك تندثر تختفي ماعادش تبان
صعيب trapi في بلاد وين لحزاب تعبد المادة
اول لعباد تبيع كي جماعة السبحة و السجادة
ما ركعنا كان لربي سبحانو ماناش قوّادة
في بلاد ما تتلانصا كان ما تلحسّ للقيّادة
الراب متاعنا طعمو يولي كي السم كي يبدا يحاسب
عبدنا ربي وحدو عمرنا ما عبدنا المناصب
عمرنا ما طبسنا لحسنا عالحفلات
ملّي صغير جبيني يمس القاع كان فالصلاة
صعيب ترابي وسط شعب ناقص Conscience
شعب يزطل أما عمرو ما يحب يسمع la
réponse تفسرلو و تحكي كلامك ما عندو حتى sens
الراب مرضتوه قتلتوه شعلتو في ليسونس
صعيب ترابي في بلاد تحكمها les médias
و إنتي تحكي على حاجات ما تصورهاش les caméras
الرابورات عملو des fans عملنا des soldats
الراب متاعهم إسمو فن الراب متاعنا إسمو combat
صعيب ترابي و هوما يشوفوا فالراب متاعك danger
متعهد الحفلات يخاف من الراب engagé
هاني مشيت لبعيد خليتلك راكع قدام ال بودجي
الراب كي يبدا مرض في لعروق مايهموش cachés
في بلاد كيما الحبس تحصرك لحيوط
الكلها تتلبد ترمي فالشبك كيما العنكبوت
أصعب حاجة كي بلادك في قلبك تبدى تموت
توجع كي تدفن بلادك في تابوت
أكثر تصويرة توجع نهارت الي تشوف الوطن
العلم لي كان يرفرف فوقه لفوه كيف لكفن
ليوم نكتب في جواب أول مرة نبدا بعيد
يا نموت كي بلادي و لّا نهج ما نعيشش عبيد