Rengget Taneh Karo Simalem - Harto Tarigan

adi kuta inganta ndube ergani-gani
 tapi gundari lanai teriani
 deleng Sinabung si la erngadi
 nuangken abuna segedang-gedang wari

uruk sinabung ndube ingan kami erjanji
 ras nande Karo si ateku jadi
 lau Kawar bage ture-turena
 jadi saksi bukti ateta ngena

terberita taneh karo erkiteken Sinabung
 kepe la bias keleng erban ateta ceda
 dampar geluh kalak karo generasi muda
 pergaulen bebas ras narkoba
 man kam kerina petinggi kalak Karo
 si enggo jore bagepe erpemeteh mari sipesikap
 ingen kundul nini ras bulang
 gelah man pe mesera

Taneh Karo simalem megogo kel nge ate
 mbegi-mbegi sora kulcapi
 ndoahken kita sope tunduh berngi

deleng Sinabung kel nge bage
 mbaba berita oh nake
 labias iluh sinurikensa
 getem pusuhta ras ceda ukurta

gel-gel enterem anak-anak tengah kesain
 gel gel mbue perik kabang ermido-mido
 gundari tading asarna kuja nge kerina
 oh teman kerina nungkun ateku man kena
 ise si ngoratkensa keadilen la merata
 susah nambah beratna bayak nambah bayakna
 mari man banta begiken sora pusuhta
 alo meteguh kita erkade-kade denga

Taneh Karo simalem megogo kel nge ate
 mbegi-mbegi sora kulcapi
 ndoahken kita sope tunduh berngi

deleng Sinabung kel nge bage
 mbaba berita oh nake
 kuta kami lanai teriani
 labias iluh nuriken ate kami mesui

jenda nari kupudi marilah sitatang-tatang
 kai si terjadi lanai bo terpilasi
 rengget taneh karo paksana ngerenggeti
 kita pe kerina enggo ngenanamisa
 sentabi kami sekali labo kami ngajari
 tapi gundari geluhta mampa-mampa
 ingetlah Dibata lalap sinampatisa
 segedang wari segedang geluhta