<p>remang-remang ngasa gundari<br /> pengarapen ibas kam nari<br /> perlawesndu la erkata bangku<br /> entah kuja kin kam terudu</p> <p>beluh kel kena nempatken kata<br /> erbahan si man tagangenku janji gombal saja<br /> puas kel ukurndu agingku<br /> malem kel atendu sayangku</p> <p>ha ha ha ha ha …<br /> du du du du du ….</p> <p>er ugapa ndia bas pusuhku e<br /> perban sorandu lanai kubegi<br /> nande karongku kel ateku<br /> tertulih aku lalap nimai</p> <p>dagingku e nari nge ngenca lenga iresndu<br /> lang sinasana nande karo enggo me bandu<br /> puas kel ukurndu agingku<br /> malem kel atendu sayangku</p> <p>taneh e nari nge ngenca natang<br /> langit e lalap meganjang<br /> nde karo ndube nggo lawes lajang<br /> nadingken aku erdalan mbelang</p> <p>kune pepagi aku erjabu<br /> ula min ula sumpahindu<br /> nande karo uga ningkena<br /> gelah kueteh keputusenna</p> <p>ndekah ertima la kel bo tuhu<br /> asa gundari la lit beritandu<br /> selembar surat lah gia pagi<br /> ikiremkenndu nandangi aku</p> <p>nande karo kuarapken denga<br /> gelahna kena mulih ku kuta</p>