🎵
පෙති පුරා සුවඳ විහිදුණු
අනන්තයේ යළි හමුවෙමු
මල් පුරා බඹරු පියඹන
ඒ ලොවේ යළි හමුවෙමු
බිඳුණු සිත් සතන් සුව කළ
ඒ ආදරයෙන් යළි හමුවෙමු
මේ භවේ බැරි නම් ඉතින් අපි
මතු භවේවත් අපේ වෙමු
කතර සරු කළ දිය උල්පත අපි වෙමු
ගිරි දුර්ග මැදින් ගලනා සිසිල දිය අපි වෙමු
මහ මුහුද පෙම් බඳින ශීත ඉම ඔබයි නම්
සැඩ සයුරු රළින් පෙරළී වෙරලට සමු දෙමු
නිමක් නොමැති අහසේ උඩටම පියඹමු
මහ පොළවේ ඉඩ නැති නම් වලාවක අපි ඉමු
සැඩ වැස්සට නොතෙමී පිහාටුවක් ඉහළමු
මේ ආත්මයේ බැරිනම් මරණින් මතු හමුවෙමු
පෙති පුරා සුවඳ විහිදුණු
අනන්තයේ යළි හමුවෙමු
මල් පුරා බඹරු පියඹන
ඒ ලොවේ යළි හමුවෙමු
බිඳුණු සිත් සතන් සුව කළ
ඒ ආදරයෙන් යළි හමුවෙමු
මේ භවේ බැරි නම් ඉතින් අපි
මතු භවේවත් අපේ වෙමු