🎵
നിലാവേ മായുമോ കിനാവും നോവുമായ്
ഇളം തേൻ തെന്നലായ് തലോടും പാട്ടുമായ്
ഇതൾ മാഞ്ഞൊരോർമയെല്ലാം
ഒരു മഞ്ഞുതുള്ളി പോലെ
അറിയാതലിഞ്ഞു പോയ്
നിലാവേ മായുമോ കിനാവും നോവുമായ്
മുറ്റം നിറയെ വിങ്ങി പടരും
മുല്ല കൊടി പൂത്തക്കാലം
തുള്ളി തുടിച്ചും തമ്മിൽ കൊതിച്ചും
കൊഞ്ചി കളിയാടി നമ്മൾ
നിറം പകർന്നാടും നിനവുകളെല്ലാം
കതിരണിഞ്ഞൊരുങ്ങും മുമ്പേ
ദൂരേ, ദൂരേ...
പറയാതെയങ്ങ് നീ മാഞ്ഞു പോയില്ലേ
നിലാവേ മായുമോ കിനാവും നോവുമായ്
നീല കുന്നിൻമേൽ പീലി കൂടിൻമേൽ
കുഞ്ഞു മഴ വീഴും നാളിൽ
ആടി കൂത്താടും മാരി കാറ്റായ് നീ
എന്തിനിതിലേ പറന്നു
ഉള്ളിലുലത്താടും മോഹ പൂക്കൾ വീണ്ടും
വെറും മണ്ണിൽ വെറുതെ പൊഴിഞ്ഞൂ
ദൂരേ, ദൂരേ...
അതു കണ്ടു നിന്നു നിനയാതെ നീ ചിരിച്ചു
നിലാവേ മായുമോ കിനാവും നോവുമായ്
ഇളം തേൻ തെന്നലായ് തലോടും പാട്ടുമായ്
ഇതൾ മാഞ്ഞൊരോർമയെല്ലാം
ഒരു മഞ്ഞുതുള്ളി പോലെ
അറിയാതലിഞ്ഞു പോയ്