Pularippoo

പുലരിപ്പൂ പോലെ ചിരിച്ചും

പുഞ്ചപ്പാടക്കാറ്റു വിതച്ചും

നീയെൻ്റെ കൂടെച്ചേർന്നു കളിച്ചു നടന്നില്ലേ

നീയെൻ്റെ തൂവൽച്ചേലയുലച്ചു കടന്നില്ലേ

പുലരിപ്പൂ പോലെ ചിരിച്ചും

പുഞ്ചപ്പാടക്കാറ്റു വിതച്ചും

നീയെൻ്റെ കൂടെച്ചേർന്നു കളിച്ചു നടന്നില്ലേ

നീയെൻ്റെ തൂവൽച്ചേല ഉലച്ചു കടന്നില്ലേ

അന്തിക്ക് വഴികൾ തെളിച്ചും

സീമന്തത്തിൽ ചുണ്ട് വരച്ചും

നീയെൻ്റെ ശ്വാസക്കാറ്റു പകുത്തു കുളിർന്നില്ലേ

അന്തിക്ക് വഴികൾ തെളിച്ചും

സീമന്തത്തിൽ ചുണ്ട് വരച്ചും

നീയെൻ്റെ ശ്വാസക്കാറ്റു പകുത്തു കുളിർന്നില്ലേ

മിഴിയിലയിൽ നോവിൻ മഞ്ഞു പൊഴിച്ചു പുണർന്നില്ലേ

മിഴിയിലയിൽ നോവിൻ മഞ്ഞു പൊഴിച്ചു പുണർന്നില്ലേ

പുലരിപ്പൂ പോലെ ചിരിച്ചും

പുഞ്ചപ്പാടക്കാറ്റു വിതച്ചും

നീയെൻ്റെ കൂടെച്ചേർന്നു കളിച്ചു നടന്നില്ലേ

നീയെൻ്റെ തൂവൽച്ചേല ഉലച്ചു കടന്നില്ലേ

ഇനിയെന്നിൽ സ്വപ്നമുല്ല പടർത്തില്ലെന്നറിയാം

പനിമതിയായ് സ്നേഹനിലാവ് പൊഴിക്കില്ലെന്നറിയാം

ഇനിയെന്നിൽ സ്വപ്നമുല്ല പടർത്തില്ലെന്നറിയാം

പനിമതിയായ് സ്നേഹനിലാവ് പൊഴിക്കില്ലെന്നറിയാം

ഉലയുന്നെൻ പ്രണയച്ചില്ല

കൊഴിയുന്നനുരാഗപ്പൂക്കൾ

നീയതിനെ നാരിൽ ചേർത്തു കൊരുക്കില്ലെന്നറിയാം

എൻ പാട്ടിനു നിൻ്റെ തംബുരു മീട്ടില്ലെന്നറിയാം

രാവായാൽ നിഴലും കൂടെ പോരില്ലെന്നറിയാം

പേമഴയിൽ നീയെൻ കൂടെ ചേരില്ലെന്നറിയാം

രാവായാൽ നിഴലും കൂടെ പോരില്ലെന്നറിയാം

പേമഴയിൽ നീയെൻ കൂടെ ചേരില്ലെന്നറിയാം

നെഞ്ചത്തെ പ്രാവിൻ കുറുകൽ

അമ്പിൻമുനയാലെ നിലച്ചാൽ

നീയതിനെ മാറിൽ ചേർത്തു വിതുമ്പില്ലെന്നറിയാം

നീ ചൊല്ലും കഥയിൽ പോലും ഞാനില്ലെന്നറിയാം

പുലരിപ്പൂ പോലെ ചിരിച്ചും

പുഞ്ചപ്പാടക്കാറ്റു വിതച്ചും

നീയെൻ്റെ കൂടെച്ചേർന്നു കളിച്ചു നടന്നില്ലേ

നീയെൻ്റെ തൂവൽച്ചേല ഉലച്ചു കടന്നില്ലേ